Алматы мен Қазақстан COVID-19 бойынша "сары" аймаққа қайта кірді

22 маусымға арналған ҚР аймақтарындағы эпидемиологиялық жағдайды бағалау матрицасы жарияланды, деп хабарлайды Устинка LIVE тілшісі.
"Қызыл" аймақта: Нұр-сұлтан қаласы. 

"Сары" аймақта: Алматы, Шымкент қалалары, Атырау, Батыс Қазақстан және Қарағанды облыстары.

"Жасыл" аймақта: Ақмола, Алматы, Ақтөбе, Шығыс Қазақстан, Жамбыл, Қостанай, Қызылорда, Маңғыстау, Түркістан, Павлодар облыстары және СҚО.

Қазақстан КВИ бойынша "сары" аймақта. Өткен тәулікте елімізде ПТР-тестпен расталған коронавирустық инфекцияны жұқтырудың 943 жаңа жағдайы тіркелді (пандемия басталғаннан бері барлығы 410 мың 523), жеті адам қайтыс болды (барлығы 4 мың 249), 1084 қазақстандық сауығып кетті (барлығы 386 мың 127).
Сондай-ақ, Қазақстанда бір тәулік ішінде коронавирустық пневмониямен сырқаттанушылықтың бір жағдайы анықталды (2020 жылғы 13 наурыздан бастап барлығы 56 мың 546), аурудан алты адам қайтыс болды (барлығы 3 мың 430).

22 маусымда КВИ-дан 21 330 адам (20 147 КВИ+ және 1 183 КВИ -) ем алуды жалғастыруда, оның ішінде:

• стационарларда – 6 310 пациент, 
• амбулаториялық деңгейде – 15 020 пациент жатыр. 
• КВИ+ және КВИ науқастарының ішінде: 
• ауыр халде – 419 пациент, 
• аса ауыр халде – 95 пациент, 
• ӨЖЖ аппаратында – 59 пациент бар.

Айта кету керек, кеше Нұр-Сұлтанда "Дельта" - коронавирус штаммына тән мутация ықтималдығы анықталды деп жазған болатынбыз. Бұл штамм жоғары жұқпалы және анықталған штамдарға қарағанда 60% жұқпалы.