Дәрігерлердің орташа жалақысы 500 мың еңгеден асады

2022 жылдан бастап денсаулық сақтау ұйымдарындағы медициналық емес қызметкерлердің жалақысы өседі

Бұл туралы Денсаулық сақтау министрі Алексей Цой ведомствоның алқа отырысында мәлімдеді.

- Биыл дәрігерлердің орташа жалақысы 320 мың теңгеге жетеді. 2023 жылы 561 мың теңгені құрайды. 2021 жылы орта медицина қызметкерлерінің орташа жалақысы 173 мың теңгеге, 2023 жылы 210 мың теңгеге жетеді, - деді министр.

Айтуынша, 2023 жылға қарай дәрігерлердің жалақысы экономикадағы орташа жалақыдан екі жарым есе жоғары болады деп болжанып отыр. Мәселен, 247 мың медицина қызметкерінің жалақысын көтеруге республикалық бюджетте тиісті қаржы көзделген: 2021 жылы - 222 млрд теңге, 2022 жылы - 362 млрд теңге, 2023 жылы - 557 млрд теңге.

Тақырыптар: Министр здравоохранения РК Алексей Цой Зарплата врачей в Казахстане Повышение зарплаты