ШҚО-ға гуманитарлық көмек келді - жедел жәрдем машиналары, концентраторлар

Шығыс Қазақстан облысының медициналық мекемелері COVID-19-бен күресу үшін жабдықтар мен жедел жәрдем көліктерін алды
25 қыркүйек 2020 года, 18:22 974 Галина Пестрякова
Новости Казахстана и регионов на сегодня. - Гуманитарная помощь прибыла в ВКО — машины скорой, аппараты ИВЛ и концентраторы
Ақпарат көзі: © Устинка LIVE Фото: © АО "Самрук-Қазына"
Шығыс Қазақстан облысының медициналық мекемелері жаңа жедел жәрдем машиналарын пайдалануға алды. Бұған дейін өңірге пульсоксиметрлер, ӨЖЖ аппараттары және оттегі концентраторлары бар гуманитарлық жүк келді, деп хабарлайды Устинка LIVE тілшісі.

"Samruk-Kazyna Trust" әлеуметтік жобаларды дамыту қорының корпоративтік коммуникациялар қызметі хабарлағандай, көмек "Самұрық-Қазына" АҚ мен ҚР Денсаулық сақтау министрлігі арасындағы ынтымақтастық туралы меморандум аясында көрсетілді. "Самұрық-Қазына" АҚ компаниялар тобының қайырымдылықтың бірыңғай операторы - "Samruk-Kazyna Trust" әлеуметтік жобаларды дамыту қоры қажетті жабдықты сатып алып, оны өңірлерге берді.

Шығыс Қазақстан облысы өкпені жасанды желдетудің (ӨЖЖ) төрт аппаратын, 30 оттегі концентраторын және 60 пульсоксиметрді алды. Сондай-ақ, аймаққа Chevrolet Damas маркалы бес жедел жәрдем көлігі келді. Айта кетейік, мұндай жиынтықтарды әрбір облыс, сондай-ақ Республикалық маңызы бар қалалар алады.
- Бұл шаралардың барлығы біздің медицинамыздың жұқпалы аурулардың, оның ішінде COVID-19 коронавирустық инфекциясымен күресуге дайындық деңгейін арттыруға және ұлттық денсаулық сақтау жүйесін нығайтуға бағытталған, - деп атап өтті "Samruk-Kazyna Trust" қорының ресми өкілі Мирас Іргебаев.
Естеріңізге сала кетейік, меморандум аясында республиканың денсаулық сақтау жүйесіне 100 жедел жәрдем машинасы, 1000 оттегі концентраторы, 50 ӨЖЖ аппараты, 1000 пульсоксиметр жеткізіледі.

Загрузка...

Тақырып бойынша жаңалықтар

Устинка Live хабарландыруларын алып тұрыңыз