Қазақстан Атырауда безгек ауруы тіркелді
18 жылда алғаш рет безгекпен ауыратын науқас Атыраудан шықты.Ауруды Нигерия азаматы өзінің демалысынан алып келген
Нигерияның 46 жастағы азаматы Атыраудағы мұнай компаниясының қызметкері. Азамат өзінің демалысынан ауру күйінде қайтып оралды. Бұл туралы Қазақпарат сайты хабарлайды.
- Демалыстан Атырауға қайта оралған азамат жеке медициналық орталыққа шағым түсірді. Алғашқы сынақтар да безге ауруын растады. Нигерия азаматы жеке клиникада қарқынды емделу курсын өтті және зарарсыздандыруға дайындалуда, - деп хабарлады Атырау облысының денсаулық сақтау департаментінің директоры Темірбек Мусағалиев.
Оның айтуынша, безгек адамнан адамға берілмейді, ал аурудың жалғыз тасушысы – безгек масасы.