Қазақстан Денсаулық сақтау саласына реформа қажет
ҚР Парламент Мәжілісінің депутаты Тұрғын Сыздықов ҚР премьер-министрінің орынбасары Ерболат Досаевтан денсаулық сақтау саласындағы реформалар жөнінде сұрады
Депутат атап өткендей, елдегі медицинаның халықаралық стандарттарға тиімді көшуі үшін кадрларды дайындау басты талап, деп хабарлады Zakon.kz.
- Кадрлардың келешегі қиын болуы мүмкін. Өйткені жекелеген аймақтардағы қорда 50 жастан асқандар саны 40-60 пайыз. Жүйеде дипломы бар адамдар аз емес, бірақ олар жеткілікті түрде білікті емес. Олар тиімді ем жүргізе алмайды, озат технологияларды, заманауи ғылым жетістіктері мен тәжірибесін меңгере алмайды, - деді ол.
Оның ойынша, осыған байланысты медперсоналды дұрыс дайындау керек. Ол үшін Денсаулық сақтау бойынша Мемлекеттік кадрлық бағдарлама қабылдау жөн.
Депутат елдегі ЖОО-ларында мамандарды кәсіби түрде дайындауды ұйымдастыруға шақырады.
