Алматыда тырысқақ ауруы бойынша 10 оқиға тіркелген

Қазақстанның оңтүстік астанасы – Алматы қаласында тырысқақ дертіне шалдыққан 10 адам тіркелген, деп хабарлады бүгін брифинг барысында қалалық қоғамдық денсаулық қорғау департаментінің басшысы Айзат Молдағасымова.  

- Бес науқастың дерті біршама ауыр, сырқаттың токсигенді формасы болса, бесеуінікі токсигенсіз, - деп қосты ол.

Эпидемиологиялық тексерулердің қорытындысы бойынша бес адам бұл індетті жыл басында Гоа штатында жұқтырған. Қалғандары Алматыға  Нью-Дели рейсімен өткен жылдың соңында ұшып келген.