Қазақстан ШҚО ауруханаларына тұмауға қарсы 4,5 мың тегін екпе келіп түсті
Күзде тұмауға қарсы жаппай екпе жасалса да, вакцинация дәрілері қаңтар айында да қайтара жеткізіліп отыр
Тегін екпе балаларға да, ересектерге де жасалады.
Елде тұмауға қарсы екпе жасау науқаны ұзартылғаны белгілі. Дегенмен, мұндай екпе дәрілер адамға қаншалықты пайдалы?
- Екпе жасалған соң, он төрт күннен кейін адамның иммунитеті жақсара бастайды. Әрі екпе бір жыл бойы адамды тұмау вирусынан қорғайтын болады, - дейді Қоғамдық денсаулықты қорғау басқармасының басшысы Михаил Дерябин.
Тегін екпе, ең алдымен, оқушыларға жасалмақ. Биыл облыстағы 14 жасқа дейінгі балалардың 60 пайызы тұмаумен ауырған.
Екпені тегін жасату үшін жергілікті поликлиникаларға бару қажет.
