Қарағанды облысында А гепатиті өршіп тұр

Алғашқы сәттері тек 24 адам ауруға шалдыққан деген дерек айтылып келді. Қазір бұл көрсеткіш тек арта түскен.

- 26 қаңтарға қараған күні облыста 43 науқас стационарлық ем алуда. Олардың ішінде 31-і оқушылар, - дейді облыстық қоғамдық денсаулық сақтау департаментінің басшысы Қайрат Баймұхамбетов аппараттық жиналыс барысында.

Оның айтуынша, ауруға шалдығу көрсеткіштері Шет, Абай, Бұқаржырау аудандарында, Сарани, Қарағанды және Балқаш қалаларында тіркелген.

Аурудың басым бөлігі Қарағанды оқушыларының арасында тараған. Бұл қалада тоғыз адамнан гепатит анықталып, ауруханаға жатқызылған. Шахтинск қаласында – бес жағдайдың төртеуінде ауру белгісі расталды.