Облыстағы үздік ауруханалар мен поликлиникалар белгілі болды

Жыл бойы халықты жақсы емдеп, әрқайсына ерекше қарай білген, шағымы аз, қызмет көрсету деңгейі жоғары мекемелер үздіктердің қатарынан көрінді.

«Үздік бастауыш дәрігерлік-санитарлық ұйым» номинациясы бойынша "ВИТА-1" ЖШС көпсалалы поликлиникасы үздік деп танылды. «Үлгілі аурухана» атағы Шығыс Қазақстан облыстық ауруханасына берілді. «Диагностикалық аурулар бойына үздік ұйым» - Семей қаласындағы аймақтық онкологиялық диспансер.

Ал Бесқарағай орталық аудандық ауруханасы үздік ауылдық медициналық мекеме ретінде құрмет грамотасына лайық деп танылды. Енді аталмыш үш номинация бойынша үздіктерді салтанатты марапаттау шарасы өтеді.