Медициналық сақтандыру 2020 жылға дейін шегеріледі

- Қазіргі таңда қанша адамның жұмысы барын, не жоғын анықтауымыз керек, - дейді Даниал Кенжетайұлы. - Өзіне өзі жұмыс істейтіндер тағы бар. Біз ең алдымен нақты жұмысы бар адамдардың санын анықтаймыз. Заң бойынша балалар мен зейнеткерлерге мемлекет қаржы төлейді. Бірақ ең алдымен жұмысшылар санын анықтап алу керек. Себебі салық басқармасында бір көрсеткіш, ал статистикада мүлдем өзгеше деректер кездеседі.

Айта кету керек, әлеуметтік медициналық сақтандыру жүйесі 30 елдің тәжірибесінде бекітілген. Міндетті әлеуметтік медициналық сақтандыру жұмыс берушінің және әрбір адамның ортақ жауапкершілігіне негізделген. Мемлекет халықтың экономикалық белсенді емес азаматтарына жарна төлейді. Жұмыс берушілер жалдамалы жұмыскерлерге жарна төлесе, жұмыскерлер мен салық органдарында тіркелген өз-өзін жұмыспен қамтушы азаматтар өздері үшін төлейді.