Қазақстан Қарақұрт облысымызда таралмаған – ШҚО Денсаулық сақтау басқармасы
Биыл Оңтүстік Қазақстан облысында қарақұрт шаққан адамдардың саны былтырғымен салыстырғанда көп. Қазіргі уақытта ауруханада қарақұрт шаққан 40-тан астам адам жатыр
Алайда облысымыздың Денсаулық сақтау басқармасы улы өрмекшінің біздің елді мекендерде көп кездеспейтіндігін, сондықтан тұрғындардың дүрлігуіне себеп жоқ екендігін айтуда.
- Қарақұрт Қырғызстанда, Қазақстанның шөлді аймақтарында, Астрахан облысы, Краснодар аймағында, Орта Азия, Иран және Ауғанстан жерлерінде таралған. Шығыс Қазақстанның климаты қарақұрттың тіршілік етуіне келмейді, - дейді басқарма.
Басқарма мамандарының айтуынша, қарақұрт шаққан кезде адамның денесіне ине кіргендей әсер қалдырады. Яғни, адам оның шаққанын бірден сезе алады. 15 минуттың ішінде шаққан жер қатты ауыра бастайды. Қарақұрттың уы адам денесіне тез тарайды. Сондықтан қозғалыс қиындаған кезді күтпейді бірден ауруханаға асыққан жөн.
