Қазақстан Ақтауда облыстық Денсаулық сақтау басқармасының бастығы қамауға алынды
Маңғыстау облыстық Денсаулық сақтау басқармасының бастығы Марал Қадыр қызметкерлерінен ақша бопсалағаны үшін жеті жылға сотталды
- Сот Марал Қадыровты кінәлі деп тапты әрі жалпы режимдегі колонияға жеті жыл қамауға алуға, үй-мүлкін тәркілеуге және мемлекеттік қызметтен өмір бойы шеттетуге үкім шығарды, - дейді Ақтау қалалық сотының төрағасы Мәлік Кенжалиев.
Сот күдіктінің өз қызметкерлерінен бірнеше рет ақшалай «сыйлық» алғанын дәлелдеді. Мәселен, 2016 жылы Ақтау қалалық №1 поликлиника директорынан 30 мың теңге, «немересіне жақсы медициналық көмек көрсету» үшін әйел адамнан 15 мың теңге алған. Сонымен қатар аталмыш поликлиника директорынан 100 мың теңге, Туберкулезге қарсы күрес жүргізетін диспансерден 200 АҚШ долларын алған.
Пара берген денсаулық сақтау мекемелерінің өзі сотқа арызданып, куәлік берген.
М. Қадыр 2016 жылдың 19 тамызынан бастап Денсаулық сақтау басқармасы бастығы болып қызмет еткен.