Қазақстандық дәрігерлерге қымбат дәрілерді сатып алуға мәжбүрлегені үшін жаза қолданылмақ

Zakon.kz сайты хабарлап отырғандай, Денсаулық сақтау министрі Елжан Біртаңов журналистердің сұрақтарына жауап бере отырып, дәріханалар мен дәрігер арасындағы жасырын серіктестікке қары тұру жайында айтты. - Бұл заң нормасы ең алдымен дәрілердің сатылымын этикалық норма жүзінде жүзеге асыруға бағытталады. Біз бөлшек сауда нарығында дәрі-дәрмек бағасын белгілеп, қадағалап отыруға арналған заң жобасымен қатар медициналық қызметкерлердің, сонымен қатар фармацевтика саласындағы мамандар арасындағы байланыстарды, ең алдымен қымбат дәрі-дәрмектерді сатуға қою арқылы дәрілік препараттар сатылымын жоғарылатуға бағытталған әрекеттердің алдын алуға қатысты заң жобасын да ұсынуды қолдап отырмыз, - деді Елжан Біртаңов. Сонымен қатар, ведомства дәрі-дәрмектерді бұлай сатуға, сатылымын жоғарылатуға бағытталған әрекеттерді бақылап отыруға толықтай қауқарлы екендігін де атап өтті. Жазалылар әкімішілік жазаға тартылатын болады.