Тегін дәрілер республика есебінен беріледі

Биылдан бастап тегін дәрі-дәрмекпен қамтамасыз ету республикалық бюджеттің есебінен СК «Фармация» арқылы жүзеге асады. ШҚО Денсаулық басқармасы дәрі-дәрмекті сатып алмайды. Тек амбулаториялық емделуге қажетті дәрілерді ғана тендер арқылы алуды жүзеге асырады.

- Егер ертең тегін дәрілер 7-8 айдан соң бітіп қалса, біз мәслихаттың қарауына шықпай, республикаға арызданатын боламыз, - деп түсіндірді ШҚО әкімінің орынбасары Әсем Нусупова.

Ал облыстық бюджет есебінен сатылып алынатын амбулаториялық деңгейдегі дәрі, вакцина, өзге имунды препараттар, балалардың емдік тағамдарына трасферт 135,3 млн теңгеге азайтылды.