Жұмыс берушілер өз қаражатынан жұмысшы үшін зейнетақы жарнасын төлеуге міндетті

ҚР Еңбек және халықты әлеуметтік қорғау министрлігі ақпаратына сүйенсек, осылайша жұмысшы зейнетке шыққанда қосымша зейнетақы төлемімен қамтылмақ, деп хабарлайды Устинка LIVE тілшісі.

Жұмыс беруші міндетті зейнетақы жарналарын (бұдан әрі – ЖМЗЖ) өз қаражаты есебінен 2024 жыл мен 2028 жыл аралығында 1,5%-дан 5%-ға дейін кезең-кезеңімен жұмыскерлерінің пайдасына аударады. Осылайша, зейнеткерлікке шыққан кезде бұл жұмыскерлер қосымша жинақтаушы зейнетақы төлемімен қамтамасыз етілетін болады.

Бұл шара қазақстандықтардың жас ұрпағын қолдауға бағытталған, олардың зейнетақы мөлшері олардың зейнетақы аударымдарына тікелей байланысты болады. Олардың зейнетақысы үш компоненттен: мемлекеттен базалық зейнетақы, жинақтаушы зейнетақы – Бірыңғай жинақтаушы зейнетақы қорына аударымдар есебінен және шартты-жинақтаушы зейнетақы – жұмыс берушілердің жарналары есебінен құралады, - делінген хабарламада. - ЖМЗЖ енгізу, әсіресе, ынтымақты өтілі жоқ (1998 жылға дейін) немесе ынтымақты жүйедегі өтілі аз азаматтар үшін өзекті.

Осылайша әлемдік тәжірибені ескере отырып, азаматтарды зейнетақымен қамсыздандыру үшін мемлекеттің, жұмыс берушінің және қызметкердің қатысуымен ортақ жауапкершілігі болады.

Салық кодексіне сәйкес салық салынатын табыстан шегерімге жатқызылғандықтан, тиісінше жұмыс берушінің ЖМЗЖ төлеу бойынша шығыстары елеусіз деңгейде қалатынын атап өту қажет.