Қазақстан 7 маусымнан Қазақстан бюджеттіктерінің табысы өседі
ҚР Үкіметінің қаулысымен 26 мамырда азаматтық қызметшілерге, мемлекеттік ұйымдар мен қазыналық кәсіпорындар қызметкерлеріне еңбекақы төлеу жүйесіне өзгерістер енгізілді
Үкімет мемлекеттік басқару органдарына белгілі бір құқықтар берді, деп хабарлайды Устинка LIVE тілшісі.
Оның ішінде, енді ұйымдар басшыларының жұмыс нәтижелері бойынша оларға сыйақы беруге, лауазымдық айлықақыларына ынталандыру үстемеақыларын белгілеуге, сондай-ақ қаржыландыру жоспары немесе даму жоспары бойынша тиісті мемлекеттік мекемені ұстауға көзделген қаражатты үнемдеу есебінен материалдық көмек көрсетуге, жұмыскерлердің еңбекақысын кесімді төлеу кезінде кесімді бағаларды бекітуге болады. Бұдан басқа, жергілікті бюджет қаражаты есебінен жергілікті өкілді органдардың шешімі бойынша жергілікті бюджеттен қаржыландырылатын ұйымдар қызметкерлерінің лауазымдық айлықақыларына ынталандыру үстемеақылары белгіленсін. Бюджетшілердің лауазымдық айлықақыларына ынталандыру үстемеақыларын белгілеу тәртібі мен шарттарын тиісті жергілікті атқарушы органдар айқындайды.
Қаулы 2022 жылғы 7 маусымнан бастап қолданысқа енгізіледі.