Тоқаев уәкілетті органдарға мемлекет реттейтін бағалардың негізділігін зерделеуді тапсырды

Қазақстан Президенті Қасымжомарт Тоқаев Мемлекет реттейтін бағаларды белгілеу кезінде сыбайлас жемқорлықты жою қажеттігі туралы мәлімдеді. 

 Оның айтуынша, тиісті уәкілетті органдар бағаны белгілеу кезінде оның қаншалықты негізделгенін мұқият зерделеуі тиіс. Экономикалық факторлармен қатар, біреудің пайдакүнемдік мүдделері бар-жоғын зерттеу керек. 

 Мысалы, отандық өндірушілер теміржол саласындағы сыбайлас жемқорлыққа үнемі шағымданады. Кәсіпкерлер белгілі бір объектіге кіретін жолдарды пайдаланғаны үшін төлем алатыны наразылықтарын тудыруда. Осыған байланысты бір мезгілде бірнеше өңірлерден - Қостанай, Шығыс Қазақстан, Түркістан, Ақмола және Павлодар облыстарынан өтініштер келіп түсті. Монополист компаниялар бағаны өздері көтерді. Ал бұл халық тұтынатын тауарлардың бағасына бірден әсер етеді, - деді Мемлекет басшысы.