1 қазаннан бастап елімізде темекі сатудың жаңа ережелері енгізіледі

Қазақстанда қыркүйектің басында бір қорап темекінің бөлшек саудадағы құны 489 теңгені құрады, жылына 12,7%-ға артты

2020 жылдың 1 қазанынан бастап цифрлық таңбалауды енгізудің бірінші кезеңі аясында темекі өнімдерін сатудың жаңа шарттары күшіне енеді – енді ол міндетті түрде таңбалануы керек, деп хабарлады ҚР Қаржы министрлігі. Темекі өнімдерінің кез келген айналымы қажетті деректерді оқитын және оларды фискалдық деректер операторларына беруге мүмкіндік беретін 2D-сканерді пайдалану арқылы ғана мүмкін болады. Бұл нарықтың ашықтығын қамтамасыз етуге және халықты арзан, бірақ денсаулыққа қауіпті контрафакт — жалған өнімнен қорғауға мүмкіндік береді.

Қазақстан Республикасы Үкіметінің Қаулысына сәйкес, 2020 жылғы 1 қазаннан бастап фильтрі бар темекілер; 2021 жылғы 1 сәуірден бастап стиктер, сигаралар, сигариллалар, қыздырылатын темекі сияқты темекі өнімдерінің өзге де түрлері міндетті түрде таңбалануға жатады.

Тақырыптар: Комитет по статистике Реализация табачной продукции в Казахстане Проверка сигарет 2D-сканером Агентство Еnergyprom