Қазақстанда Жапониямен бірлесіп криптовалюталық биржа ашылады

Бұл туралы Сыртқы істер министрлігінің баспасөз қызметі хабарлады, деп жазады aikyn.kz сайты.

Қазақстанның Жапониядағы Елшілігінде онлайн режимінде жалпы сомасы 46 млн АҚШ долларын құрайтын Қазақстандағы инвестициялық жобаларды жүзеге асыру жөніндегі қазақстандық және жапондық компаниялар арасында екіжақты құжаттарға қол қою рәсімі өтті.

Атап айтқанда, Атырау қаласында Жапонияның заманауи медициналық құралдарымен жабдықталатын көпфункционалды диагностикалық орталық ашылады. Келісім аясында қазақстандық медициналық мамандарды Жапонияда даярлау және оларды тағылымдамалардан өткізуді көздеп отыр. Орталық Қазақстанның емделушілері ғана емес, сондай-ақ жақын және алыс шет елдердің емделушілер үшін медициналық туризмді дамытуға мүмкіндік береді. Жобаға 25 млн АҚШ долларын жұмсау жоспарлануда.