Қазақстан Қазақстандықтар банктен 200 келі алтын сатып алған
2017 жылдың мамыр айында ҚР Ұлттық банкі халыққа тазартылған алтын құймаларын сату және сатып алу бағдарламасын іске қосты
Қазақстан Ұлттық банкі қазақстандықтардың сатып алған алтын саны туралы мәлімдеді, деп хабарлайды ҚазАқпарат тілшісі.
Осы бағдарлама аясында Қазақстан Республикасының Ұлттық Банкі жалпы салмағы 222,3 кг болатын 5 924 құйманы сатты.
- Осыдан екінші деңгейдегі банктер жалпы салмағы 216,7 кг болатын 5 770 құйманы сатты, - деп хабарлады қаржы реттегіші.
Алтын сатуға мүмкіндік беретін айырбастау пункттері халыққа жалпы салмағы 810 грамм болатын 37 құйманы сатты.
Ұлттық банк 2019 жылы алтын сатылымы өседі деп күтеді.