Ұлттық банк елдегі экономикалық жағдайдың жақсарғанын хабарлады

2018 жылдың үшінші тоқсанында 2014 жылдан бері алғаш рет ағымдағы операциялар шоты 0,2 млрд доллар профицитке тең, деп хабарлады "Қазақпарат" ХАА сайты.

Жалпы өткен жылы Қазақстандағы ағымдағы шот жетіспеушілігі 4,6 млрд доллардан 500 млн долларға қысқарған. Бұл экономикалық өсімді байқатады.

Ұлттық банк қызметкерлері бұндай қысқарту шикізат нарығына оңды әсер етіп, Қазақстандағы кіріс көлемін 64%-ға көтеруге мүмкіндік бергенін түсіндіреді.

- Тауар экспорты 28,3%-ға 45,4 млрд долларға дейін өсті. Ал тауар импорты 9,6% 25,5 млрд-қа дейін артқан, - деп атап өтті Ұлттық банк.