Қазақстан Қазақстан дизель отынын Ресейге шектеп сатпақ
Егер Қазақстанда өндірілген дизель отыны Ресейге жөнелтілетін болса, елде жағармай бағасы қымбаттап кетеді
Бұл жайында Қазақстан Энергетика министрінің орынбасары Махамбет Досмұханов айтты, деп хабарлайды Sputnik Казахстан.
- Бұл – күрделі процедуралық мәселе: оны мемлекеттік органдармен ақылдасып, үкіметпен мақұлдануы керек, - дейді министр орынбасары.
Ресейде дизель бағасы қымбат болғандықтан, отандық тасымалдаушылардың көбі отынды көрші елге апарғанды құп көреді. Содан елде дизель отыны азайып кетеді.
- Қазір дизельді шетелге шығару бойынша шектеулер жоспарлап жатырмыз. Толық шешім жақын уақытта қабылданатын болады, - дейді Досмұханов.
