Қазақстан ҚР ҰЭМ экономиканың мұнайға тәуелділігі төмендегенін жариялады
ҚР Ұлттық экономика министрі Тимур Сүлейменов экономиканың тауарға тәуелділігін бірте-бірте жою туралы айтты
Министрдің айтуынша, қазақстандық экономиканың мұнай мен басқа да пайдалы қазбаларға тәуелділігі біртіндеп төмендей бастады, деп хабарлайды Қазақпарат сайты.
- Соңғы 5 жылда экономиканы әртараптандыруға байланысты көптеген жұмыстар атқарылды. Нәтижені статистикаға, макроэкономикалық деректерге қарап көруге болады. ЖІӨ құрылымында өндіруші саланың үлесі азайды. Бес жыл бұрын 19,5-20% жеткен болатын. Мұнай мен қатты пайдалы қазбаларды өндірісі қазіргі кезде 11,5-12% құрайды. Яғни, біздің экономикамыздың осы салалардағы, яғни, мұнай бағасына, металдарға түсетін үлесі мен оның тәуелділігі төмендеді, - деп сендірді Тимур Сүлейменов.
Сонымен бірге экономиканың өңдеу өнеркәсібіндегі үлесі әлі де 11,5-12% шегінен аспады.