Қазақстанда инфляция өсімі азайды

Еліміздің бас экономисі Т.Сүлейменовтің айтуынша, 2018 жылғы қаңтар-маусымда экономикамыздың барлық дерлік сегменттерінде оң серпін байқалып отыр, деп хабарлайды Айқын.

– Ағымдағы жылдың І жартысының қорытындысы бойынша Қазақстанның жалпы ішкі өнімінің (ЖІӨ) өсуі 4,1%-ды құрады. Жалпы, экономиканың көтерілуі инфляциялық процестердің одан әрі бәсеңдеуі және жоғары инвестициялық белсенділік аясында өрбуде. Инфляция біртіндеп азайып келеді және соңғы үш жылдағы ең төмен мәнге жетті. Жыл басынан бері ол 2,6% ғана болды. Бұл ретте жылдық инфляция – 5,9%. Инфляцияның барлық компоненттері бойынша баға өсуінің бәсеңдеуі байқалады, – деді ол.

Ел Үкіметі мен Ұлттық банк биыл инфляцияны 6-8 пайыз дәлізінде ұстауға тиіс. Ал кейінгі жылдары бұл көрсеткішті 4 пайызға дейін түсірмек ниетте.