Қазақстан Ұлттық Банк теңгенің құлдырауына қатысты хабарды жоққа шығарды
Қазақстан Ұлттық банкі теңгенің айырбас бағамы мен елдегі инфляцияның өсіміне қатысты мессенджерлер арқылы тараған ақпаратты "негізсіз" деп атады
Бұл жайында Ұлттық Банк өзінің Фейсбуктегі ресми парақшасында хабарлады.
- Әлеуметтік желілерде, сондай-ақ мессенджерлер арқылы аудиофайлдарды тарату жолымен теңгенің айырбастау бағамы үшін тәуекелдерге, сондай-ақ инфляция деңгейінің өсуіне қатысты ақпарат негізсіз таратылуда. Осыған байланысты Қазақстан Ұлттық Банкі бұл ақпараттың шындыққа сәйкес келмейтіндігін мәлімдейді, - делінген онда.
Елдегі инфляциялық процестерге әсер ететін факторлар қолайлы. Инфляциялық күтулер де төмендеуде, мамырда бұл көрсеткіш 6,0%-ды құрады.
Мұнайдың әлемдік нарығы тарапынан теңгенің айырбастау бағамына қолайлы әсер байқалады. Мұнай бағасы орташа алғанда бір баррель үшін 70 АҚШ долларына жуық деңгейде қалыптасуда. Соның салдарынан елдің төлем балансы жақсаруда.
