Қазақстан Байқоңырдың Қазақстан қазынасына қанша қаржы әкелетіндігі белгілі болды
ҚР Премьер-министрі Бақытжан Сағынтаев 23 жылдың ішінде Байқоңыр ғарыш айлағы Қазақстан қазынасына 2,6 млрд доллар пайда әкелгендігін айтты
- «Байқоңыр» кешенін жалға бергеннен бері Қазақстан бюджетіне 2645 млн АҚШ доллар көлемінде пайда келіп түсті. Жалға беруден түскен қаржы елдің қазына қаражатын пайдалану туралы заңнамасына сәйкес жұмсалады, - деп жауап берді премьер-министр парламент мәжілісі депутаттарының сауалына.
Қазіргі уақытта «Байқоңыр» ғарыш алаңы Ресейге жалға берілген. Келісімшартқа 1994 жылы қол қойылған. Әрі 2050 жылға дейін Ресейге жалға беріледі. Ғарыш айлағының жалға беру құны –$115 млн. доллар.
