Қазақстан Қазақстанға 90 мың тонна дизель отыны импортталады
"ҚазМұнайГаз Өнімдері" ЖШС дизельді қозғалтқышпен жүретін көлік иелерін сабырға шақырады – жағдай бақылауда.
Үкімет пен «ҚазМұнайГаз» ұлттық компаниясының тапсырмасына орай "ҚазМұнайГаз Өнімдері" ЖШС қараша айында Ресей Федерациясынан 90 мың тонна дизель отынын импорттайды, деп хабарлайды Zakon.kz сайты.
- Бізге артылған жауапкершілікті білеміз және ел басшылығы мен ұлттық компанияның артқан міндеттерін орындаймыз, - дейді "ҚазМұнайГаз Өнімдері" ЖШС бас директоры Қуандық Құлмұрзин.
Алғашқы 9 мың тонна отын жолда келеді. Қалғаны қысқа мерзімде жүзеге асырылады. Солтүстік, батыс және орталық өңірлердегі температураның төмендеуіне байланысты отынның алғашқы бөлігі бірден жеткізіледі.
Қазақстанның Оңтүстік өңірін Шымкенттік МӨЗ "PetroKazakhstan Oil Products" қамтамасыз етеді. Қазіргі таңда Павлодарлық мұнай химиялық зауытынан басқа мұнай өңдеу зауыттарының барлығы қалыпты жұмыс істеуде. Зауыттарда өндірілетін барлық отын ішкі нарықта жүзеге асырылады.
