Қазақстан Салықты адал төлегендер заңмен қорғалуы тиіс – Нығматулин
Мәжіліс спикері Нұрлан Нығматулин салық заңнамасына қатысты ұсынылып отырған заң жобаларын тағы да қарастыру қажет екендігін айтты.
Мәжіліс депутаттары 18 қазан күні өткен пленарлы жиналыста Салық Кодексіне енгізілуі тиіс кейбір өзгерістер мен толтықтыруларды мақұлдап, Сенатқа жіберді.
Дегенмен, мәжіліс спикері салық заңнамасына көптеген өзгерістер мен толықтырулар енгізілсе де, салық төлеушілердің құқығы қорғалмай отырғанын айтады. Оның ойынша, бұл толықтырулар салық саласында жемқорлықты азайтады. Мәселен, салық органдары заңнаманы дұрыс түсіндірмеген кезде салық төлеуші айыппұл пен өсім төлеуден бас тарта алады.
Десе де, бұл заңнамаларды жүзеге асыратын механизм дұрыс құрылмай отыр.
- Енгізілген өзгерістердің барлығы тек қана жарлық күйінде қалуда. Елбасы міндеттегендей тікелей жүзеге аспай отыр. Мұны реттеу үшін Үкімет пен Парламент мүшелеріне көп жұмыс жасау қажет. Салықты адал төлеп жүрген азаматтар заңмен қорғалуы тиіс, - дейді Нығматулин.
