Қазақстанда картоп бағасы қымбаттауы мүмкін

Қазіргі уақытта картоптың бөлшек саудадағы бағасы - 55 теңге. Алайда былтыр ол 35 теңгені құраған еді. Көрші елдермен қатар Қазақстанда да картоптың биылғы қоры былтырғымен салыстырғанда аз, делінген energyprom.kz сайтында.

Жағармай бағасының өсуі мен көлік бөлшектерінің де көтерілуі картоп бағасына ықпал етері белгілі. Елде бір гектар картопты өсіруге орташ есеппен 1 млн теңге жұмсалған екен. Ал биыл шаруалар бір гектардан 230 центнерден картоп алып отыр. Оларға өнімнің келісін 55 теңгеден сатқан тиімсіз. Оның үстіне, картопты қысқа сақтау үшін де қаржы керек.

Сондықтан қазақстандық фермерлер картоп бағасын көтеруді ойлап отыр. Егер шаруалар картоптың келісін 90-100 теңгеден саудалайтын болса, онда дүкендерде оның бағасы 250-300 теңгеге дейін жетуі мүмкін.