Қазақстан Қазақстанда ең төменгі күнкөріс деңгейі 25667 теңгеге дейін өсті
Қазақстанда 2017 жылғы тамыз айында күнкөрістің ең төменгі деңгейінің шамасы 25667 теңгені құрады, бұл шілде айымен салыстырғанда 5%-ға көп
Аталған көрсеткіш 2016 жылғы тамыз айындағы жағдаймен салыстырғанда 8,8%-ға өскен, - деп Экономика министрлігі хабарлады.
Статистика мәліметтеріне сүйенсек, шілде айында жалпы көрсеткіш бойынша ең төмен күнкөріс деңгейіндегі азық-түлік тауарларының үлесі 15400 теңгені құрады , азық-түлік емес тауарлар мен ақылы қызметтер - 10267 теңге.
Статистика комитетінің хабарламасына сәйкес, өткен айда күнкөрістің ең төменгі деңгейінің шамасы: 13 жасқа дейінгі балаларда 23226 теңгені, 14-17 жастағы бозбалаларда 31821 теңгені, дәл сол жастағы қыз балаларда 24382 теңгені, еңбекке жарамды ер адамдарда 30048 теңге, әйелдерде 23843 теңге, зейнеткерлер мен қарт адамдарда 23610 теңгені құрады. Қазақстан халқының саны 18 млн адам.
