Қазақстан 2017 жыл соңына дейін Қазақстанда 70 жаңа мектеп пен балабақша салынады
Қазір олардың тек бесеуі ғана салынып бітті, - деп хабарлайды ҚР Ұлттық экономика министрі Тимур Сүлейменов
Ұлттық экономика министрі Тимур Сүлейменовтың айтуынша, ағымдағы жылы мектептер мен балабақшалардың құрылысына 71,7 миллиард теңге қаралған. Бұл туралы «Қазақпарат» хабарлайды. Алайда, 2017 жылдың 1 шілдесіне лейіне жергілікті бюджеттерге бөлінген және толық игерілген 30,4 миллиард теңге ғана бар.
- Бүгінгі таңда 1150 орындық 3 мектеп Жамбыл, Қарағанды және Оңтүстік Қазақстан облысында және 2 балабақша Маңғыстау және Шығыс Қазақстан облыстарында пайдалануға берілді. Яғни, қолданысқа беруге көзделген 70 нысанның 5-уі ғана дайын. Бұл 8 пайыз, Осыған байланысты жергілікті атқарушы органдарға барлық 70 нысанды қолданысқа беруді бақылап, қамтамасыз ету қажет, - дейді министр Үкімет отырысы барысында.