Қазақстан Мемлекеттік қызметкерлердің жалақысы 50%-ға артады
РҚ Мемлекеттік қызмет істері және жемқорлықпен күрес агенттігі төрағасының орынбасары Айгүл Шаимова мемлекеттік қызметкерлердің еңбекақысын төлеуге қатысты жаңа жүйе туралы айтты
Tengri News сайты хабарлағандай, жаңа жүйе тұрақты және ауыспалы бөліктерден тұратын болады. Қазір мемлекеттік қызметкерлер жалақысы еңбек өтілі мен қызметінің санатына байланысты, ал жаңа жүйе бойынша еңбекақы шенеуніктің атқарған жұмысының сапасына қарай төленетін болады.
Яғни, еңбекақының ауыспалы бөлігі бонустарға байланысты.
- Бонус беру жүйесі мемлекеттік қызметкердің қызметіне берілген бағаға тәуелді болады. Ол тоқсан сайын жүргізіледі. Қорытынды – қызметкердің жұмысының жылдық бағасы, - деп мәлімдедіАйгүл Шаимова.
Болжам бойынша, «тамаша» және «нәтижелі» қызметкерлерге өтемақы қосылады да, қалған «қанағаттанарлық» және «нәтижесіз» қызметкерлер қосымша бонуссыз қалады.
Әзірге жаңа жүйе талқылануда, ал оның апробациясы 2018 жылы болмақ.
