Қазақстан 2018 жылы Қазақстанда әуебилеттері арзандауы мүмкін
ҚР Инвестиция және даму министрі Жеңіс Қасымбек ҚР Үкімет отырысынан кейін өткен брифинг барысында әуебилеттерінің арзандауы мүмкін екенін айтты
Министрдің айтуынша, 2018 жылы қазақстандық ұшақтар отандық жанар-жағармаймен қамтамасыз етілетін болады, деп хабарлайды «Қазақпарат»
Бізге жылына 800 мың тонна керосин қажет. Қазір Қазақстанның үш мұнайөңдеу зауыттары тек 300 мың тонна ғана бере алады. Сондықтан бізге Ресейден сатып алуға тура келеді, - деді Ж. Қасымбек.
Ресейлік керосин қазақстандықтан үш есеге немесе одан да көпке қымбат. Ал билет құнының 30-50 пайызы – жанар-жағар май құны. Ұшақтың жанар-жағар майы қаншалықты арзанға шықса, әуе-ұшу да қолжетімдірек болады.