Қазақстанда зейнетақы өсіріле бастады

Зейнетақының өсімі осыған дейін хабарланғандай кезең-кезеңімен келесі жылға дейін өсірілетін болады. 

Осылайша ең төменгі зейнетақы мөлшері ағымдағы жылы 46 мың теңгені құрайды. Ал орташа деңгейдегі зейнетақы – 20 мың теңгеге артық болмақ. 2018 жылдың шілде айында төлемдер есеп және өтілі арқылы, зейнетақы қорына қатысу мерзіміне байланысты өсетін болды. Мамандардың есебінше, бұл жайт та оны өсіруге мүмкіндік береді. Балалардың тууына байланысты жәрдемақы көлемі де өсім таппақ. Бірінші, екінші және үшінші бала үшін 86 мың теңгеден беріледі. Ал төртінші және келесі балаларға 143 мыңға дейін төленеді. Аталған  шаралардың барлығына 82 миллиард теңге қаралған. 

Естеріңізге саламыз, өткен жылдың 15 желтоқсанында елбасы Нұрсұлтан Назарбаев үкіметке 2017 жылдың 1 шілдесінен бастап зейнетақы мөлшерін 2016 жыл көлемімен салыстырғанда 20 пайызға, сонымен қатар бала табуға байланысты бірыңғай жәрдемақы көлемі 20 пайызға өсірілсін деген тапсырма берген болатын.