Қазақстан Қазақстанда жалақының сатып алу мүмкіндігі төмендеуде
Қазақстандағы жалақы мөлшері екінші жыл бойы инфляцияға ере алмай келеді
Ағымдағы жылдың алғашқы кварталындағы көрсеткіштерге көз жүгіртсек, жалдамалы жұмысшылардың жалақысы алдыңғы жылмен салыстырғанда 2%-ға төмендеген.
2017 жылдың қаңтар-наурыз айларында республика бойынша тұтыну тауарлары мен қызметтер алдыңғы жылмен салыстырғанда 7,8%-ға өскен. Ал орташа айлық жалақы тек 6%-ға ғана өскен.
Қазақстандық жұмысшылардың жалақысы сатып алу мүмкіндігінен төмен болса да, еңбек нарығы алдыңғы жылмен салыстырғанда біраз жақсарған.
Еңбек нарығы 2014-2015 жылдар аралығында көрсеткішке – 3,5 млн адамға жете қоймады. 2017 жылдың алғашқы кварталында жұмысшылар саны 3,5 млн. болған. Бұл өткен жылмен салыстырғанда 1%-ға жоғары.
Компьютер мен тұрмыстық техника жөндеу саласы жұмысшылардың жалақысы 2016 жылдың қаңтар-наурыз айымен салыстырғанда 39,7%-ға өскен, жалақы 229 мың теңгені құрады.
Республика бойынша жалақы тек Ақмола және Ақтөбе облысында ғана 0,3%-ға өскен. Ал Атырау облысында жалақы 8,3%-ға, Маңғыстау облысында 6,5%-ға жалақы төмендеген.
