Қазақстан Қазақстанда 200 бен 500 теңгелік купюролар жаңартылуы мүмкін
Ескі үлгідегі 2, 5 және 10 мың теңгелік номиналы бар купюроларды төрт жыл бойы ауыстыруға болады. Бірақ ол банкноттардың қазаннан бастап қолданыстан алынатындығын естен шығармаған абзал
Ұлттық банк қазақстандықтарға олардың орнына «Қазақ елі» сериясындағы банкноттарды пайдалануға кеңес береді. Олардың дизайнын жасауға бір жыл уақыт кеткен, - деп хабарлайды «КТК телеарнасының сайты»
Ал 2006 жылғы үлгідегі ескі банкноттармен 4 қазаннан бастап есептесу жарамсыз болады. Ескірген ақшаларды екінші деңгейдегі банктерге барып, ауыстыруға немесе Ұлттық банктің барлық филиалынан алмастыруға болады. Ескіні жаңасына тегін ауыстырмақ. Сондай-ақ, жақын арада елде 500 бен 200 теңгенің жаңа үлгісі шықпақ.
Тоғжан Абишева, Ұлттық банктің қолма-қол ақша басқармасының басшысы:
Технологиялардың жылдам дамуы соншалықты, тіпті оның жаман тұстары да шығып жатыр. Солардың бірі ақшаларды түп нұсқасынан айнытпай жасау. Осыған байланысты Ұлттық банк банкноттардағы айырма белгілерін күрделі етіп жасау үшін, қарқынды жұмыс істеуде. Осы мақсатта жаңа дизайндағы банктноттар жасау идеясы туындап отыр.
