Қазақстан Тасқыннан зардап шеккен кәсіпкерлерге өтемақы төлеу үшін 12 млрд теңге бөлінді
Үкімет су тасқынынан кейін бизнестің мүлік шығындарын өтеуге қаржы бөлу туралы қаулы қабылдады
Үкімет резервінен 12 млрд теңгеден астам қаражат Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстарының бюджетіне аударылады, деп хабарлады Устинка LIVE тілшісі ҚР Үкіметі баспасөз қызметі ақпаратына сүйеніп.
Қазіргі таңда өңірлік комиссиялар шағын және орта кәсіпкерлік субъектілерінің жалпы сомасы 1,5 млрд теңгеге 178 өтінімін қарап, мақұлдады.
Жалпы алғанда, әкімдіктердің алдын ала бағалауы бойынша 746 ШОБ субъектісі зардап шекті. Олардың қатарында азық-түлік дүкендері, кафелер, ТҚКО, қонақ үйлер және басқалары бар. Бүгінде бағалау және сметалық жұмыстар жүргізілуде, олардың қорытындысы бойынша өтінімдер өңірлік комиссиялардың қарауына енгізіледі, - делінген хабарламада.
Естеріңізге сала кетейік, бұған дейін төтенше резервтен Батыс Қазақстан және Қостанай облыстарында әуедегі электр беру желілерін қалпына келтіруге 2,4 млрд теңгеден астам қаржы бөлінген болатын.