Қазақстан Былтыр Қазақстанға 9 млн астам шетелдік демалуға келді
Бұл көрсеткіш 2022 жылғы көрсеткіштен 2 есеге көп
Ел ішінде саяхаттаған қазақстандықтардың саны да 1 млн-ға артты, деп хабарлайды Устинка LIVE тілшісі.
Туризм индустриясы комитетінің төрағасы Нұртас Кәріпбаев ОКҚ алаңында өткен баспасөз конференциясында атап өткендей,2023 жылдың қорытындысы бойынша отандық саяхатшылар саны 9,6 млн адамды құрады.
Өткен жылдың қорытындысы бойынша туристік сала пандемиядан кейін толық қалпына келіп қана қоймай, туризмнің негізгі көрсеткіштері бойынша тарихи ең жоғары деңгейге жетті. Орналастыру орындары 229 млрд теңгеден астам сомаға қызмет көрсетті, бұл 2022 жылғы көрсеткіштен 1,3 есеге көп. Туризм саласынан бюджетке төленетін салық түсімдері 450 млрд теңгені құрады, бұл 2022 жылғы көрсеткіштен 64 млрд теңгеге артық, - деді спикер.
