Қазақстан Шығысқазақстандықтар Жеңіс батырларының құрметіне арналған жүгіріске қатыса алады
5 және 10 шақырымға жүгіру 26 мамыр күні Астана қаласында өтеді
Марафонға қатысқысы келетіндер алдын ала тіркеуден өтуі керек, деп хабарлайды Устинка LIVE тілшісі.
ABYROI RUN 2024 Кеңес Одағының батыры, тәуелсіз Қазақстанның тұңғыш Қорғаныс министрі, Халық Қаһарманы Сағадат Нұрмағамбетов пен Рейхстагқа Жеңіс туын тіккен алғашқы кеңес жауынгерлерінің бірі Халық Қақарманы Рахымжан Қошқарбаевтың 100 жылдығына арналып отыр.
Жарысқа қатысушылар https://globalsport.kz/abyroirun сілтемесі бойынша тіркеуден өтуі керек.
Жарыс 26 мамыр (жексенбі), сағат 07.30-да басталады. Қатысушыларға старт топтамасы табысталады. Оны 25 мамыр (сенбі) сағат 8.00-ден 20.00-ге дейін мына мекенжайдан алуға болады: Сығанақ, 45 (Пекин Палас ғимараты, кіреберіс оң жақтан).
Сондай-ақ, әрбір адам Жеңіс батырларына құрмет көрсетіп, 2 шақырымды жүгіріп өте алады. Бұл қашықтыққа тіркелудің қажеті жоқ.