Қазақстан Су тасқынына байланысты елдегі бірнеше ауқымды шаралар өтпейтін болды
Астана халықаралық форумы мен Қазақстан машина жасаушыларының ХІІ форумы келесі жылға шегерілді
Су тасқынынан зардап шеккендерге көмектесу және апаттың салдарын жою үшін басқа шараларға жұмсалатын қаржыны үнемдеу ұйғарылған, деп хабарлайды Устинка LIVE тілшісі.
Сол себепті де Мемлекет басшысы Қасым-Жомарт Тоқаев халықаралық форумды өткізбеу туралы шешім қабылдады. Айта кетейік, форум биылғы 13-14 маусымға жоспарланған болатын.
Сондай-ақ, ҚР Өнеркәсіп және құрылыс министрлігі 25-26 сәуірге жоспарланған Қазақстан машина жасаушыларының ХІІ форумы және 2025 жылға ауыстырылды.
ҚР Президентінің тапсырмасына сәйкес, министрлік зардап шеккендерге арналған тұрғын үйлерді қалпына келтіру жөніндегі іс-шараларды үйлестіру және жүзеге асыру жөніндегі жауапты орган болып тағайындалды.
