Қазақстан Жалған ақпарат: Еңбекмині ҚҚС үшін өтемақы беріп жатыр
Хабарламада өтемақыны алу үшін сілтемеге өту қажеттігі айтылған
Бұл алаяқтардың тағы бір амалы, деп хабарлайды Устинка LIVE тілшісі ҚР Еңбек және халықты әлеуметтік қорғау министрлігі ақпаратына сүйеніп.
Мессенджерлер мен әлеуметтік желілерде ҚР Еңбек және халықты әлеуметтік қорғау министрлігі (бұдан әрі – Еңбекмині) ҚҚС үшін өтемақы енгізгені туралы таратылып жатқан ақпарат шындыққа жанаспайды.
Мессенджерлерде Еңбекмині ҚҚС үшін өтемақы төлемін енгізгені туралы шындыққа жанаспайтын ақпарат таратылуда. Тағайындалған қаражатты аудару үшін белгісіз азаматтар сілтемеге өтуді ұсынады.
Әлеуметтік көмектің мұндай түрі жоқ, - деп хабарлады министрлік. - Тиісінше, хабарламада көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуге кеңес береміз. Азаматтардан тек ресми көздердегі ақпаратты пайдалануын сұраймыз.
Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады.
Ескерте кетейік, жалған ақпарат тарату заңмен жазаланады.
