Қазақстан Дзюдодан әлемдік жарысқа Қазақстаннан кім баратыны белгілі болды
Ертең Парижде дзюдодан әлемдік "Үлкен дулыға" бәсекесі басталады
Фото:
instagram/kaz_judoteam
GRAND SLAM турнирінде Қазақстан атынан 14 спортшы қатысады, деп хабарлайды Устинка LIVE тілшісі ҚР Туризм және спорт министрлігі ақпаратына сүйеніп.
2-4 ақпан күндері аралығында Францияда өтетін айтулы жарысқа 110 елден 661 татами шеберлері 14 салмақта жүлде жиынтығын сарапқа салады.
Қазақстан атынан қатысатын 14 спортшы:
- 60 келі - Елдос Сметов, Нұрқанат Серікбаев
- 66 келі - Ғұсман Қырғызбаев, Есен Қуанов
- 73 келі - Асқар Нарқұлов, Данияр Шамшаев
- 81 келі - Абылайхан Жұбаназар, Руслан Мусаев
- 90 келі - Айдар Арапов, Ермахан Ануарбеков
- 100 келі - Нұрлыхан Шархан, Бекзат Шағатаев
- + 100 келі - Ғалымжан Қырықбай, Ерасыл Қажыбаев.
Халықаралық дзюдо федерациясының (IJF) ережесіне сәйкес Grand Slam турнирінің жеңімпазы мен жүлдегерлеріне әлемдік рейтингте ұпай сандары қосылады. Жеңімпазға 1000 ұпай, екінші орынға – 700, үшінші орын алған спортшыға 500 ұпайдан беріледі.