Қазақстан "Қордай" өткізу пунктін салу кезінде бюджет қаражаты жымқырылған
Бюджетке келтірілген залал сомасы 194 млн теңгеден асады
Фото:
t.me/antikornews
Антикор "ҚазАвтоЖол" лауазымды тұлғаларына қатысты істі тергеуде, деп хабарлайды Устинка LIVE тілшісі.
Жамбыл облысы бойынша Сыбайлас жемқорлыққа қарсы қызмет "ҚазАвтоЖол" ҰК" АҚ Жамбыл облыстық филиалының лауазымды тұлғаларына қатысты Жамбыл облысында "Қордай" өткізу пунктін салу кезінде бюджет қаражатын аса ірі мөлшерде жымқыру фактісі бойынша сотқа дейінгі тергеу жүргізуде. Залалдың алдын ала сомасы 194 млн теңгеден астам, - делінген ақпаратта.
Соттың санкциясымен барлық күдіктілер: Қазавтожол филиалы директорының орынбасары, мердігер ұйымның өкілі және техникалық қадағалау сарапшысы қамауға алынды.
Тергеу жалғасуда.
