Қазақстан Ауыл шетінен үсіп қалған әже мен немересінің денесі табылды
Қостанай облысында кеше боранды күні көрші ауылға шыққан әжесі мен немересі жоғалып кеткен
Фото:
Устинка LIVE
Олардың үсіп қалған денесі даладан табылған, деп хабарлады Қостанай облысының полиция департаменті.
Степной ауылының шетінен жоғалған екі кісінің денесі табылды. Оқиға орнында жедел тергеу тобы жұмыс істеп жатыр. Бүкіл қажетті тергеу әрекеттері жүргізіледі, - деп хабарлады полициядағылар.
Тобыл қаласына бармақ болған 58 жастағы әйел мен 11 жасар қыз Степной елді мекенінен жолай көлік тоқтатпақ болып шыққан көрінеді. Ал кеше күні бойы Қостанай облысында қарлы боран басылмаған.