Қазақстан Шар су қоймасын қалпына келтіру жұмыстары жүріп жатыр
Су тасқынының алдын алу мақсатында биыл елдегі жөндеуді қажет ететін 41 гидротехникалық құрылыс реконструкциядан өтті
Бұдан бөлек, Шығыс Қазақстан облысындағы Шар және Түркістан облысындағы Шардара су қоймаларында қалпына келтіру жұмыстары жүргізіліп жатыр, деп хабарлайды Устинка LIVE тілшісі ҚР Су ресурстары және ирригацияның баспасөз қызметі ақпаратына сүйеніп.
Айта кету керек, қабылданған жедел шаралардың нәтижесінде және мүдделі мемлекеттік органдармен бірлескен жұмыстың арқасында биыл су тасу қауіпі бар кезеңінде оқыс жағдайлар болған жоқ.
Су қоймалары мен гидротехникалық құрылыстардың жағдайы жіті бақылауда болуы тиіс. Ол үшін жергілікті әкімдіктермен тығыз жұмыс атқарып, бірлескен іс-шараларды іске асыру қажет. Су тасқынының алдын алу үшін қазірден бастап дайындық жұмыстарын жүргізу маңызды, - деді ҚР Су ресурстары және ирригация бірінші вице-министрі Болат Бекнияз.
