Қазақстан ИК-ның мобилографының неден көз жұмғаны айтылды
Жылқайдар Шахназдың өліміне себеп болған алдын ала диагноз жарияланды
Ал нақты себебі тек токсикологиялық зерттеуден кейін белгілі болады, деп хабарлайды Устинка LIVE тілшісі Кazinform ақпраратына сүйеніп.
Естеріңізге сала кетейік, 14 қазан күні Астана қаласында "Ирина Қайратовна" тобының концертінің үстінде мобилограф құлап қалған болатын. Көп ұзамай топ мүшелері сахнаға шығып, жігіттің көз жұмғанын мәлімдеп, концерт тоқтатылды.
Астана қаласының Қоғамдық денсаулық сақтау басқармасы 21 жастағы жігіттің өліміне себеп болған алдын ала диагнозды жариялады.
14 қазанда Жылқайдар Шахназдың денесі сот-медициналық сараптама жұмыстарын жүргізу үшін Сот сараптама институтына жеткізілді. Өлімнің алдын ала себебі - жедел геморрагиялық панкреонекроз. Өлімнің нақты себебі токсикологиялық зерттеу нәтижелерін алғаннан кейін белгілі болады. Зерттеу жұмыстары екі аптаға дейін жүргізіледі, - делінген мәлімдемеде.
