Қазақстан "Міржақып. Оян, қазақ!" фильмінің прокаты тағы ұзартылады
Аудитория сұранысына байланысты фильмнің көрсетілімі тағы бір аптаға ұзартылады
Бүгін еліміздегі барлық кинотеатрларда "Міржақып. Оян, қазақ!" фильмінің көрсетілім мерзімі аяқталған болатын, деп хабарлайды Устинка LIVE.
Бұл бүгін қоғамда қызу талқыға түскен мәселеге айналған еді.
"Қазақстан" телерадиокорпорациясы аудитория сұранысына байланысты "Міржақып. Оян, қазақ!" фильмінің кинотетарлардағы көрсетілім мерзімін тағы бір аптаға ұзартқанын мәлімдеді.
"Міржақып. Оян, қазақ!" фильмі өткен жылы Корпорацияның толықтай мемлекеттік тапсырыс негізінде түсірілген 6 сериялы телехикаядан дайындаған кинотуындысы. Яғни, фильм мемлекеттік қаражат есебінен түсірілді.
Келісімшартқа сәйкес фильм 21 қыркүйектен бастап барлық қалалардағы үлкен экрандарда 15 күн бойы прокатта жүрді.
Бұдан бұрын бір рет сұранысқа сәйкес көрсетілім 4 күнге ұзартылған еді.
