Қазақстан Үкіметтен Жамбыл облысының аграрларына қаражат бөлінеді
Жамбыл облысындағы 9 мың га алқаптағы егіс қуаңшылықтан зардап шеккен
ТЖ салдарынан Жамбыл облысының аграрларына келтірілген залалды өтеуге резервтен 3,6 млрд теңгеден астам қаражат бөлінді, деп хабарлайды Устинка LIVE.
Мемлекет басшысының тапсырмасы бойынша ҚР Премьер-министрі Әлихан Смайылов осындай қаулыға қол қойды.
Биыл Жамбыл облысының көптеген ауыл шаруашылығы тауарын өндірушілері су тапшылығы салдарынан шығынға батты, - деп хабарлады Үкіметтің баспасөз қызметі. - Өңір әкімдігінің хабарлауынша, Байзақ, Жамбыл, Қордай, Меркі, Тұрар Рысқұлов және Талас аудандарындағы 400 АӨК субъектісінің 9 мың га алқаптағы егісі қуаңшылықтан зардап шеккен.
Бұл жағдайға байланысты Премьер-Министрдің өкімімен облыста табиғи сипаттағы төтенше жағдай жарияланды.
Үкімет резервінен бөлінген қаражат шаруаларға шығынның орнын толтырып, келесі жылдың көктемгі дала жұмыстарына толық дайындалуға мүмкіндік береді.
Қаулы қол қойылған күнінен бастап күшіне енеді.
