Қазақстан Ұлы дала жорығы-2023 жеңімпазы анықталды
1300 шақырымдық марафон-бәйгенің жеңімпаздарының есімі бүгін "Түркістан-арена" стадионында белгілі болды
4 команда 19 қыркүйекте таңғы сағат 7.00-ден бастап соңғы межені еңсеруге аттанған болатын, деп хабарлайды Устинка LIVE joryq2023 ақпаратына сүйеніп.
Сонымен, Ұлы дала жорығы-2023 жеңімпазы - Жетісу командасы.
Марапаттау рәсімі кешкі сағат 18.30-ға жоспарланған. Марапаттау рәсіміне Түркістан тұрғындары мен қала қонақтарын куә болмақ.
Осы орайда айта кетейік, "Рекорд" командасындағы 21 жастағы Мағжан Абдолұлы 1300 шақырымның соңғы 50 шақырымын бағындыруға таңғы сағат 7.10-да аттанып, Түркістандағы мәре сызығын 08 сағат 44 минут 09 секундта бірінші болып кесті.
Астанадан Түркістанға дейінгі 1300 шақырымды бастан-аяқ 1 атпен еңсеруді мақсат еткен "Рекорд" командасының құрамы Астана қаласы, Маңғыстау мен Жетісу облыстарының шабандоздарынан құралған.
Қазақ жылқысының атын Гиннес рекордтар кітабына енгізуді көздеген азаматтарға төрешілер шешімімен қомақты жүлде қоры беріледі.
1-орынға - 2,5 миллион теңге, 2-орынға - 2 миллион теңге, 3-орынға - 1,5 миллион теңге.
Естеріңізге сала кетейік, "Ұлы дала жорығы" республикалық марафон-бәйгесінің бас серіктесі – Sport Qory туризм индустриясы мен спортты қолдау қоры.
