Елімізде бес жаңа министрлік құрылды

Мемлекет басшысы "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Жарлығына қол қойды

Жарлық бойынша:

• Қазақстан Республикасының Су ресурстары және ирригация министрлігі;
• Қазақстан Республикасының Көлік министрлігі;
• Қазақстан Республикасының Туризм және спорт министрлігі;
• Қазақстан Республикасының Мәдениет және ақпарат министрлігі;
• Қазақстан Республикасының Өнеркәсіп және құрылыс министрлігі құрылды.

Сондай-ақ, Мемлекет басшысының жарлықтарымен:

Марат Кәрімжанұлы Қарабаев Қазақстан Республикасының Индустрия және инфрақұрылымдық даму министрі лауазымынан босатылды;

Дархан Қуандықұлы Қыдырәлі Қазақстан Республикасының Ақпарат және қоғамдық даму министрі лауазымынан босатылды;

Асхат Раздықұлы Оралов Қазақстан Республикасының Мәдениет және спорт министрі лауазымынан босатылды;

Зүлфия Болатқызы Сүлейменова Қазақстан Республикасының Экология және табиғи ресурстар министрі лауазымынан босатылды.